Падзеі, факты, анонсы
Богаслужэнні на праваслаўны Вялікдзень 11 і 12 красавіка адбудуцца ў 40 праваслаўных храмах Мінска
10 красавіка, Мінск /Кар. БЕЛТА/. Богаслужэнні на праваслаўны Вялікдзень 11 і 12 красавіка адначасова адбудуцца ў 40 праваслаўных храмах і прыходах Мінска, паведамілі БЕЛТА ў прэс-службе ГУУС Мінгарвыканкама.
У час правядзення рэлігійнага свята сталічныя міліцыянеры будуць несці службу ва ўзмоцненым рэжыме. Асноўная ўвага будзе сканцэнтравана на ахове грамадскага парадку ў месцах масавага скопішча людзей, а таксама забеспячэнні дарожнай бяспекі на пад'ездах да храмаў.
Акрамя таго, як паведамілі ў МНС Беларусі, напярэдадні велікодных богаслужэнняў ратавальнікі правялі маніторынг пажарнай бяспекі прыходаў і храмаў і прылеглых да іх тэрыторый. Была дасканала праверана спраўнасць сродкаў сувязі, проціпажарнай абароны і пажаратушэння, стан эвакуацыйных выхадаў. Таксама работнікі МНС правялі падрабязныя інструктажы са свяшчэннаслужыцелямі і работнікамі рэлігійных арганізацый аб дзеяннях на выпадак узнікнення пажару, аварый, іншай надзвычайнай сітуацыі.
Па выніках падрыхтоўкі да правядзення праваслаўнага Вялікадня ратавальнікі праінфармавалі аб праблемных пытаннях у забеспячэнні пажарнай бяспекі мясцовыя выканаўчыя і распарадчыя органы, а таксама пракуратуру.
версія для друку
зрабіць стартавай
дабавіць у выбранае