У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

15 Май 2015

Белтэлерадыёкампанія пакажа "Тэлевяршыню" 22 мая

15 мая, Мінск /Кар. БЕЛТА/. Тэлеверсію цырымоніі ўзнагароджання пераможцаў XI Нацыянальнага тэлевізійнага конкурсу "Тэлевяршыня" Белтэлерадыёкампанія пакажа 22 мая, паведамілі БЕЛТА ў прэс-службе медыяхолдынга.

Урачыстая цырымонія ўзнагароджання лепшых тэлежурналістаў года адбудзецца ў мінскім Палацы спорту 21 мая. Мерапрыемства рыхтуе творчая каманда Белтэлерадыёкампаніі, якая абяцае зрабіць свята цікавым, дынамічным і пазнавальным. На "Беларусь 1" і спадарожнікавым тэлеканале "Беларусь 24" "Тэлевяршыню" можна будзе ўбачыць 22 мая ў 21.40.

У прэс-службе адзначылі, што ў пачатку вечара вядомыя тэлевізійныя і медыйныя персоны пройдуць па традыцыйнай чырвонай дарожцы, а некаторыя з іх, скарыстаўшыся выпадкам, крэатыўна прадставяць на ёй свае праекты. "Згодна з творчай канцэпцыяй, мерапрыемства будзе расказваць аб гісторыі беларускага тэлебачання напярэдадні яго 60-гадовага юбілею. Гэта будзе своеасаблівы экскурс у гісторыю айчыннага тэлебачання па дзесяцігоддзях: 60-я, 70-я, 80-я, 90-я, 2000-я гады... Аднавіць гісторыю дапамогуць спецыяльныя ролікі з нарэзкай яркіх знакавых падзей, кадраў, архіўных аўдыя- і відэахронік", - расказалі ў прэс-службе.

Святочную атмасферу вечара падтрымаюць і спецыяльна створаныя Белтэлерадыёкампаніяй музычныя нумары з удзельнікамі і пераможцамі папулярных праектаў: дзіцячага і дарослага конкурсаў песні "Еўрабачанне", народнага шоу талентаў "Я магу!" і інш. Вядучымі цырымоніі стануць пяць пар тэлевядучых ад асноўных тэлеканалаў краіны. Медыяхолдынг прадставяць Вольга Рыжыкава, Алег Ціткоў, Віялета Сакаловіч і Дзмітрый Бачкоў. Завершыць вечар спецыяльны нумар - сумесная песня "Талака" ў выкананні зводнага хору папулярных беларускіх тэлевядучых.

Конкурс праводзіцца па 25 намінацыях. Журы, у складзе якога вядомыя рэжысёры, сцэнарысты, акцёры, журналісты, вызначалі па тры фіналісты ў кожнай намінацыі. Гран-пры "Тэлевізійны праект года" будзе прысуджаны маштабнаму сацыяльна значнаму праекту, які атрымаў шырокі грамадскі рэзананс у краіне. Таксама ў гэтым годзе аргкамітэтам конкурсу прынята рашэнне аб уручэнні спецыяльнага прыза XI Нацыянальнага тэлевізійнага конкурсу "Тэлевяршыня" лепшаму тэлепраекту на тэму Вялікай Айчыннай вайны і Вялікай Перамогі.

Заснавальнікі конкурсу - Міністэрства інфармацыі, Белтэлерадыёкампанія, ЗАТ "Другі нацыянальны тэлеканал" і ЗАТ "Сталічнае тэлебачанне".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс