Падзеі, факты, анонсы

БЕЛТА падрыхтавала серыю плакатаў "Беларусь памятае"

30 красавіка, Мінск /Кар. БЕЛТА/. Беларускае тэлеграфнае агенцтва падрыхтавала серыю плакатаў у рамках рэспубліканскай акцыі "Беларусь памятае" з выявай вядомых беларусаў і іх сваякоў, якія прымалі ўдзел у Вялікай Айчыннай вайне. Яны могуць быць выкарыстаны для стварэння білбордаў.

Размяшчэнне такіх білбордаў адлюструе беражлівыя адносіны да памяці аб людзях, якія прымалі ўдзел у вызваленні Беларусі і Еўропы ад нямецка-фашысцкіх захопнікаў, і будзе садзейнічаць патрыятычнаму выхаванню моладзі.

У праекце прынялі ўдзел алімпійскія чэмпіёнкі Дар'я Домрачава і Вікторыя Азаранка, футбаліст БАТЭ і нацыянальнай зборнай Ігар Стасевіч, саліст Вялікага тэатра Ілья Сільчукоў, прыма-балерына Вялікага тэатра Ірына Яромкіна, лідар групы J:Морс Уладзімір Пугач, урач-трансплантолаг Алег Румо, тэлевядучая АНТ Марына Грыцук, рэкардсмен Кнігі рэкордаў Гінеса Кірыл Шымко, група "Аўра". Героі праекта, наследнікі Перамогі, перапоўнены пачуццём гонару за здзяйсненні сваіх продкаў, глыбокай павагі і ўдзячнасці ім.

Усю серыю плакатаў можна паглядзець на сайце БЕЛТА.

Плануецца, што праект "Беларусь памятае" будзе рэалізаваны на працягу года ва ўсіх рэгіёнах краіны.

версія для друку

зрабіць стартавай

дабавіць у выбранае