Падзеі, факты, анонсы

Беларусы ўпершыню з 2021 года выступілі на чэмпіянаце свету па дзюдо пад дзяржаўным сцягам

Фота з архiва

17 чэрвеня, Мінск /Кар. БЕЛТА/. Беларускія спартсмены пасля працяглай паўзы выступілі на чэмпіянаце свету па дзюдо з дзяржаўнай сімволікай, паведамляе карэспандэнт БЕЛТА.

Планетарны форум 2025 года прымае сталіца Венгрыі Будапешт. Нашу краіну прадставілі двое атлетаў у вагавой катэгорыі да 90 кілаграмаў. Ягор Варапаеў у першым раўндзе адолеў аўстрыйца Томаса Шарфетэра, у другім крузе прайшоў Гергея Нерпела з Венгрыі, але на стадыі 1/8 фіналу ўступіў сярэбранаму прызёру парыжскай Алімпіяды японцу Сансіра Мураа. Аляксандр Сідорык стартаваў на турніры з перамогі над сербам Мілянам Радулем, пасля чаго прайграў двухразоваму алімпійскаму чэмпіёну Лашу Бекауры з Грузіі.

Папярэдні раз беларускія дзюдаісты выступалі на чэмпіянаце свету пад дзяржаўным сцягам у 2021 годзе - тады спаборніцтвы таксама праходзілі ў Будапешце. У 2022 годзе нашы спартсмены ўдзел у галоўным старце сезона не прымалі, а ў 2023 і 2024 гадах былі заяўлены ў нейтральным статусе. Міжнародная федэрацыя дзюдо (IJF) дапусціла беларусаў да міжнародных турніраў з дзяржаўнай сімволікай з 1 чэрвеня 2025 года.

версія для друку

зрабіць стартавай

дабавіць у выбранае