Падзеі, факты, анонсы

Беларускія вучоныя хочуць больш актыўна ўдзельнічаць у падрыхтоўцы Расійскай арбітальнай станцыі

Фота Раскосмасу

16 ліпеня, Мінск /Кар. БЕЛТА/. Беларускія вучоныя хочуць больш актыўна ўдзельнічаць у падрыхтоўцы Расійскай арбітальнай станцыі. Аб гэтым на прэс-канферэнцыі расказаў начальнік упраўлення аэракасмічнай дзейнасці апарату Нацыянальнай акадэміі навук Беларусі Пётр Віцязь, паведамляе карэспандэнт БЕЛТА.

"МКС у 2028 годзе, думаю, закончыць сваё існаванне. Павінна быць выведзена на арбіту новая станцыя - Расійская арбітальная станцыя. Яна цяпер рыхтуецца. Мы хацелі б больш актыўна ўдзельнічаць у гэтым працэсе, больш актыўна ўдзельнічаць у месячнай праграме як з расіянамі, так і з кітайцамі. У нас ёсць далейшая перспектыва не толькі па дыстанцыйным зандзіраванні Зямлі, але і па блізкім, далёкім космасе. Акрамя таго, мы цяпер выконваем праграму "Комплекс-СД", па якой рыхтуюцца тры спадарожнікі, і групоўка будзе запушчана ў 2027 годзе", - сказаў Пётр Віцязь. Будаўніцтва Расійскай арбітальнай станцыі плануюць пачаць у 2027 годзе.

Што датычыцца эксперыментаў, якія выканала беларускі касманаўт Марына Васілеўская на МКС, Пётр Віцязь падкрэсліў, што на гэтым работа не спынілася. "Цяпер актыўна працуем з Раскосмасам, будзем абмяркоўваць новыя напрамкі, у якіх мы хацелі б удзельнічаць", - адзначыў ён.

версія для друку

зрабіць стартавай

дабавіць у выбранае