У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Стд 2016

Беларускія веласіпедысты атрымалі чатыры ліцэнзіі на ўдзел у шашэйных велагонках у Алімпіядзе

19 студзеня, Мінск /Кар. БЕЛТА/. Беларускія веласіпедысты атрымалі чатыры ліцэнзіі на ўдзел у шашэйных велагонках у Алімпіядзе ў Рыа-дэ-Жанэйра. Адпаведны спіс Нацыянальных алімпійскіх камітэтаў, якія атрымалі допуск на спаборніцтвы ў шашэйным веласпорце сярод мужчын (групавую і індывідуальную гонкі з раздзельным стартам), а таксама квоты на колькасць спартсменаў, якія будуць да іх дапушчаны, апублікаваны на афіцыйным сайце Міжнароднага саюза веласіпедыстаў (UCI), паведамляе БЕЛТА.

У мужчынскай групавой гонцы, якая адбудзецца на летніх Гульнях у раёне Форта Капакабана, могуць прыняць удзел 144 гоншчыкі. Беларусь атрымала права выставіць двух атлетаў. Расія і Украіна - па тры спартсмены.

У індывідуальнай гонцы з раздзельным стартам у мужчын могуць стартаваць 40 удзельнікаў. Беларусь зможа выставіць двух гоншчыкаў, Казахстан, Расія і Украіна па адным атлеце. У гэтым відзе праграмы дзеючым чэмпіёнам свету з'яўляецца беларус Васіль Кірыенка, які заваяваў тытул у верасні 2015 года ў амерыканскім Рычмандзе.

Згодна з алімпійскай кваліфікацыйнай сістэмай, Нацыянальныя алімпійскія камітэты павінны пацвердзіць колькасць спартсменаў, унесеных у спіс, да 1 лютага 2016 года, да таго, як UCI пераразмяркуе астатнія месцы.

Спіс краін, якія змогуць выставіць сваіх прадстаўнікоў у шашэйных велагонках сярод жанчын, будзе апублікаваны ў пачатку чэрвеня бягучага года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс