Падзеі, факты, анонсы

Беларускія спартсмены выступяць на ІІІ зімовых юнацкіх Алімпійскіх гульнях у Лазане

9 студзеня, Мінск /Кар. БЕЛТА/. Беларускія спартсмены выступяць на ІІІ зімовых юнацкіх Алімпійскіх гульнях, якія стартуюць сёння на Vaudoise Arena ў Лазане. Цырымонія адкрыцця пачнецца ў 21.30, паведамілі карэспандэнту БЕЛТА ў прэс-службе НАК Беларусі.

Беларуская дэлегацыя будзе прадстаўлена ў пяці відах спорту: біятлон (Дар'я Кабішава, Юлія Кавалеўская, Вікторыя Шашкова, Канстанцін Бабураў, Андрэй Гаўрош, Арцём Крыленка), гарналыжны спорт (Максім Давыдоўскі), канькабежны спорт (Варвара Бандарына, Карына Шыпуля, Макс Фёдараў, Андрэй Герман), лыжныя гонкі (Дар'я Маёрава, Ганна Мачахіна, Міхаіл Марозаў, Глеб Шакель), хакей з шайбай - турнір 3х3 (Данііл Карповіч, Ілья Корзун, Ян Шостак, Андрэй Мурашка). Кіраўніком беларускай дэлегацыі зацверджаны начальнік аддзела міжнародных адносін НАК Васіль Юрчык.

У спаборніцтвах, праводзімых пад эгідай Міжнароднага алімпійскага камітэта, прымуць удзел 1880 спартсменаў (колькасць юнакоў і дзяўчат будзе роўнай) з больш як 70 краін, якія будуць змагацца за медалі ў васьмі відах спорту ў 16 дысцыплінах: біятлоне, бабслеі, кёрлінгу, хакеі з шайбай, санным спорце, фігурным катанні, канькабежным спорце, шорт-трэку, скелетоне, фрыстайле, горных лыжах, скачках з трампліна, лыжных гонках, скі-альпінізме, лыжным дваябор'і і снаўбордынгу.

ІІІ зімовыя юнацкія Алімпійскія гульні пройдуць у Лазане па 22 студзеня.

Юнацкія Алімпійскія гульні праводзяцца МАК раз у чатыры гады. Першыя такія спаборніцтвы адбыліся ў Інсбруку (Аўстрыя) у 2012 годзе. У 2016-м мультыспартыўны форум прымаў нарвежскі Лілехамер.

версія для друку

зрабіць стартавай

дабавіць у выбранае