Падзеі, факты, анонсы

Беларускія самбісты заваявалі шэсць медалёў у першы дзень чэмпіянату Еўропы ў Сербіі

Фота з архiва

10 мая, Мінск /Кар. БЕЛТА/. Беларускія самбісты заваявалі 6 медалёў у першы дзень чэмпіянату Еўропы ў горадзе Нові-Сад (Сербія). Аб гэтым паведамілі БЕЛТА ў прэс-службе Міністэрства спорту і турызму.

У скарбонцы беларускай каманды 6 медалёў: 3 сярэбраныя і 3 бронзавыя. У вазе да 72 кг сярэбраную ўзнагароду выйграла Анжэла Жылінская. Яшчэ медалі другой пробы ўзялі Валерыя Хрушчова (звыш 80 кг) і Яўген Рэбікаў (да 58 кг). Бронзавымі прызёрамі сталі Анфіса Капаева (да 50 кг), Таццяна Мацко (да 59 кг) і Барыс Булыга (звыш 98 кг).

Чэмпіянат Еўропы і маладзёжнае першынство Еўропы па самба праходзяць у сербскім горадзе Нові-Сад з 9 па 12 мая. Па выніках першага дня турніру былі разыграны медалі ў 14 вагавых катэгорыях.

версія для друку

зрабіць стартавай

дабавіць у выбранае