Падзеі, факты, анонсы

Беларускія палярнікі павіншавалі краіну з Новым годам

Фота НАН

31 снежня, Мінск /Кар. БЕЛТА/. Начальнік 18-й Беларускай антарктычнай экспедыцыі Аляксей Гайдашоў ад імя яе ўдзельнікаў прыслаў віншаванне з надыходзячым Новым годам усім грамадзянам Беларусі, паведамілі БЕЛТА ў прэс-службе Нацыянальнай акадэміі навук.

"Каманда 18-й Беларускай антарктычнай экспедыцыі з лядовага кантынента шле самыя цёплыя віншаванні з надыходзячым Новым годам і светлым Раством сваім родным і блізкім, усім жыхарам нашай цудоўнай краіны. Пад гэтым вялізным небам Антарктыды мы загадваем агульнае на ўсіх жаданне: чыстага неба над галавой, моцнага палярнага здароўя і душэўнага спакою, яркіх уражанняў і незабыўных момантаў, новых здзяйсненняў, поспехаў і працвітання нашай любімай Беларусі! Няхай у вашых дамах заўсёды пануюць мір і згода, любоў і гармонія, няхай здзяйсняюцца самыя запаветныя жаданні, а кожны чалавек адчуе сябе шчаслівым. Беражыце сябе і сваіх блізкіх", - гаворыцца ў віншаванні.

28 кастрычніка ў НАН быў дадзены ўрачысты старт 18-й Беларускай антарктычнай экспедыцыі. У бягучым годзе ў Антарктыду адправіліся 12 чалавек пад кіраўніцтвам вопытнага палярніка, удзельніка ўсіх папярэдніх 17 экспедыцый Аляксея Гайдашова.

версія для друку

зрабіць стартавай

дабавіць у выбранае