Падзеі, факты, анонсы

Беларускія лёгкаатлеты заваявалі чатыры медалі ў пяты дзень Дэфлімпійскіх гульняў

Фота Мінспорту

19 лістапада, Мінск /Кар. БЕЛТА/. Беларускія лёгкаатлеты заваявалі чатыры медалі ў пяты спаборніцкі дзень XXV летніх Дэфлімпійскіх гульняў у Японіі, паведамілі БЕЛТА ў прэс-службе Мінспорту.

У сераду, 19 лістапада, Аляксандр Майстрэнка выйграў серабро ў трайным скачку з рэзультатам 14,75 метра, а Раман Гралько стаў бронзавым прызёрам (14,71 м). У гэтым жа відзе праграмы сярод жанчын Дзіяна Барсукова заняла трэцяе месца з рэзультатам 12,34 м. Акрамя таго, Аляксандр Чарняк фінішаваў трэцім у бегу на 1500 метраў.

Дэфлімпійскія гульні - буйнейшыя міжнародныя спаборніцтвы для спартсменаў з парушэннямі слыху. Нашу краіну ў Японіі прадстаўляюць 24 атлеты ў трох відах спорту: лёгкай атлетыцы, плаванні і барацьбе. Удзел у Гульнях прымаюць амаль 3 тыс. чалавек з больш як 70 краін.

версія для друку

зрабіць стартавай

дабавіць у выбранае