Падзеі, факты, анонсы

Лідар зборнай Беларусі Меліціна Станюта ў фінале заняла падагульняючае 5-е месца з сумай за чатыры віды - 71,133 (абруч - 18,200, мяч - 18,250, булавы - 16,633, стужка - 18,050) бала. Рэзультат дэбютанткі Гульняў Кацярыны Галкінай - 70,932 (абруч - 17,966, мяч - 17,966, булавы -17,650, стужка - 17,350) бала. Яна размясцілася на 6-й пазіцыі.

Пасля двух практыкаванняў (абруч, мяч) Станюта ішла пятай, Галкіна - шостай. Трэцяя ратацыя, у час якой грацыі прадстаўлялі свае кампазіцыі з булавамі, стала найбольш няўдачнай для Меліціны Станюты. Яна дапусціла памылку і расплатай за яе стала вельмі нізкая ацэнка 16,633 бала. Кацярына Галкіна зарабіла за свой трэці выхад на дыван 17,650. У практыкаванні з булавамі памылка на лоўлі прадмета падсцерагла адну з галоўных прэтэндэнтак на золата - расіянку Яну Кудраўцаву і ў выніку, як аказалася, каштавала ёй узнагароды вышэйшай вартасці.

Заключнае практыкаванне са стужкай Станюта і Галкіна выканалі без грубых памылак і зарабілі адпаведна 18,050 і 17,350 бала, аднак саперніцы не далі ім шанцу падабрацца бліжэй да п'едэстала.

Выкарыстаўшы памылку калегі па расійскай зборнай Кудраўцавай, лідарства пасля практыкаванняў з булавамі захапіла Маргарыта Мамун. У чацвёртай кампазіцыі са стужкай яна замацавала свой поспех і стала алімпійскай чэмпіёнкай з сумай 76,483 бала. Яна Кудраўцава засталася другой - 75,608 бала. Замкнула прызавую тройку ўкраінская гімнастка Ганна Рызатдзінава - 73,583 бала.