Падзеі, факты, анонсы

Беларускія грацыі сталі сярэбранымі і бронзавымі прызёрамі на этапе КС у Мінску

19 жніўня, Мінск /Кар. БЕЛТА/. Беларускія спартсменкі заваявалі бронзавы і сярэбраны медалі на этапе Куба свету па мастацкай гімнастыцы ў Мінску. Спаборніцтвы праводзіліся ў Палацы мастацкай гімнастыкі, паведамілі карэспандэнту БЕЛТА ў прэс-службе Беларускай асацыяцыі гімнастыкі.

У групавых практыкаваннях у кампазіцыі з абручамі і булавамі беларускія спартсменкі занялі другое месца, суддзі ацанілі іх выступленне на 28,450 бала. На вышэйшую прыступку п'едэстала гонару ў гэтай дысцыпліне паднялася зборная Балгарыі (28,600). Бронзавы медаль дастаўся ўкраінскай камандзе (28,100).

Як паведамлялася, на рахунку беларускіх грацый бронза ў мнагабор'і групавых практыкаванняў.

Удзел у турніры прынялі каля 200 гімнастак з 32 краін.

версія для друку

зрабіць стартавай

дабавіць у выбранае