Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Sep 2016

Беларускія дзюдаісты заваявалі шэсць медалёў на міжнародным турніры ў Таліне

13 верасня, Мінск /Аляксандр Жыбуль - БЕЛТА/. Беларускія дзюдаісты заваявалі шэсць медалёў на міжнародным турніры European open, які прайшоў у Таліне, паведамляе карэспандэнт БЕЛТА.

У вагавой катэгорыі больш за 100 кг беларус Аляксандр Вахавяк у фінале сустрэўся з прадстаўніком Эстоніі Юханам Метысам і атрымаў перамогу чыстым кідком - іпон. Трэцяе месца ў гэтай катэгорыі заняў партнёр беларуса па камандзе Уладзіслаў Цярпіцкі.

Серабро беларускай камандзе прынеслі Марына Слуцкая ў вагавой катэгорыі больш за 78 кг, уступіўшы прадстаўніцы Украіны Лізавеце Калінінай. Яшчэ адзін беларус Віктар Ларчанка ў фінале (да 100 кг) супраць італьянца Джуліяна Лапорчыа атрымаў тры заўвагі і ўступіў свайму саперніку.

Бронзавую ўзнагароду з Таліна прывёз Ігар Жукаў (90 кг), які ўступіў за выхад у фінал адзін бал прадстаўніку Фінляндыі Самулі Віітанену.

У турніры сярод жанчын беларуска Даніэла Казаной (63 кг) у паўфінале не змагла перамагчы саперніцу з Вялікабрытаніі Люсі Рэншал, але ў суцяшальным турніры нашай дзюдаістцы нічога не змагла проціпаставіць ізраільцянка Ноа Снір. Даніэла Казаной перамагла, выканаўшы кідок, які атрымаў ацэнку іпон, і заняла трэцяе месца.

Наступнымі міжнароднымі турнірамі для беларускіх дзюдаістаў стануць юніёрскі чэмпіянат Еўропы (16-18 вераня) у іспанскай Малазе і этап Гран-пры, які пройдзе з 23 па 25 верасня ў сталіцы Харватыі Заграбе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі