Падзеі, факты, анонсы

Беларускія дыпламаты ў ФРГ ушанавалі памяць ахвяр канцлагераў "Бухенвальд" і "Мітэльбау-Дора"

Фота germany.mfa.gov.by

9 красавіка, Мінск /Кар. БЕЛТА/. Дыпламаты пасольства Рэспублікі Беларусь у ФРГ 8 красавіка правялі памятныя цырымоніі, прымеркаваныя да 80-й гадавіны вызвалення канцэнтрацыйных лагераў "Бухенвальд" і "Мітэльбау-Дора" (федэральная зямля Цюрынгія). Аб гэтым карэспандэнту БЕЛТА паведамілі ў беларускай дыпламатычнай місіі ў Германіі.

Вянкі з беларускай дзяржаўнай сімволікай былі ўскладзены прадстаўнікамі дыпламатычнай місіі каля памятнай пліты загінулым зняволеным у мемарыяльным комплексе "Бухенвальд", а таксама да помніка загінулым вязням канцлагера "Мітэльбау-Дора".

Канцэнтрацыйны лагер "Бухенвальд" быў створаны нацыстамі ў 1937 годзе. Вязнямі лагера і яго 139 філіялаў былі прадстаўнікі больш як 50 краін, агульная колькасць зняволеных склала амаль 280 тыс. чалавек, з якіх 56 тыс. загінулі, уключаючы больш за 8 тыс. забітых нацыстамі савецкіх ваеннапалонных.

Канцэнтрацыйны лагер "Мітэльбау-Дора" быў створаны ў 1943 годзе як аддзяленне канцлагера "Бухенвальд". Яго вязні прымусова выкарыстоўваліся ў якасці рабочай сілы. У 1944 годзе ён быў ператвораны нацыстамі ў самастойны лагер з 40 філіяламі, дзе змяшчаліся ўвогуле да 60 тыс. вязняў, 20 тыс. з якіх загінулі.

версія для друку

зрабіць стартавай

дабавіць у выбранае