У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

19 Чэр 2016

Беларускія баскетбалісткі заваявалі пуцёўку на Алімпіяду-2016

19 чэрвеня, Мінск /Кар. БЕЛТА/. Баскетбалісткі зборнай Беларусі перамаглі каманду Рэспублікі Карэя і атрымалі права выступіць на Алімпійскіх гульнях-2016 у Рыа-дэ-Жанэйра, паведамляе карэспандэнт БЕЛТА.

19 чэрвеня ў вырашальным паядынку за апошнюю пуцёўку ў Рыа падапечныя Анатоля Буяльскага ў французскім Нанце выдатна правялі стартавы адрэзак, выйшаўшы ў адрыў з лікам 12:0. Пасля гэтага караянкі здолелі наладзіць гульню, і першая чвэрць завяршылася з вынікам 12:8 на карысць беларусак. У другой дзесяцімінутцы беларускія баскетбалісткі зноў узялі ініцыятыву ў свае рукі, пайшоўшы на вялікі перапынак з перавагай у 11 балаў - 27:16. У другой палове сустрэчы на пляцоўцы ішла ўпартая барацьба, у выніку якой перамогу святкавалі беларускі - 56:39 (12:8, 15:8, 12:12, 17:11). Самай выніковай у складзе пераможцаў стала Ліндсей Хардынг, якая набрала 17 ачкоў.

На кваліфікацыйным алімпійскім турніры ў Нанце зборная Беларусі на папярэднім этапе заняла першае месца ў групе С, абыграўшы каманду Нігерыі (71:60) і ўступіўшы караянкам (65:66), затым у чвэрцьфінале ўступіла кітайскім баскетбалісткам (70:84), а потым у паўфінале "суцяшальнага" этапу разграміла аргенцінак (84:44).

У алімпійскім турніры ў Рыа-дэ-Жанэйра выступяць 12 дружын: Бразілія, ЗША, Сербія, Канада, Аўстралія, Сенегал, Японія, Францыя, Кітай, Іспанія, Турцыя і Беларусь. На першым этапе каманды будуць разбіты на дзве шасцёркі, а потым па 4 лепшыя зборныя прадоўжаць барацьбу за ўзнагароды па сістэме плэй-оф. Жаночы баскетбольны турнір Алімпіяды-2016 стартуе 6 жніўня, а фінішуе 20 жніўня. Зборная Беларусі другі раз будзе гуляць на Алімпійскіх гульнях. У 2008 годзе ў Пекіне каманда Анатоля Буяльскага заняла 6-е месца.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс