Падзеі, факты, анонсы
Беларуская цяжкаатлетка Дар'я Пачобут заняла шостае месца на Алімпіядзе ў Рыа
10 жніўня, Рыа-дэ-Жанэйра /Кар. БЕЛТА/. Беларуская цяжкаатлетка Дар'я Пачобут заняла шостае месца на Алімпіядзе ў Рыа ў вагавой катэгорыі да 69 кг, паведамляе карэспандэнт БЕЛТА.
Дар'я Пачобут у першым практыкаванні змагла зафіксаваць штангу вагой 105 кг і прадоўжыла выступленне ў штуршку. Гэта практыкаванне не з'яўлялася каронным для беларускі, якая зрабіла ўсё тры спробы ўдачна, падняўшы 132 кг, і завяршыла выступленне з сумай у дваябор'і 237 кг (105 кг + 132 кг). Другая прадстаўніца беларускай каманды Настасся Міхаленка, якая разлічвала паказаць высокі рэзультат за кошт выступлення ў другім практыкаванні, штуршку, не справілася з хваляваннем на старце спаборніцтваў і ў рыўку тройчы не змагла справіцца з вагой 103 кг, выбыўшы з барацьбы за медалі.
Перамогу ў вагавой катэгорыі атрымала кітаянка Ксян Янмей - 261 кг (116 кг + 145 кг). Другое месца заняла Жазіра Жапаркуль з Казахстана - 259 кг (115 кг + 144 кг). Бронзавым прызёрам стала Сара Ахмед з Егіпта - 255 кг (112 кг + 143 кг).
Розыгрыш узнагарод у цяжкай атлетыцы прадоўжыцца 12 жніўня. На памост у "Рыа цэнтры" выйдуць мужчыны ў вагавой катэгорыі да 85 кг. У турніры сярод жанчын у катэгорыі да 75 кг асаблівыя надзеі беларускай зборнай звязваюцца з выступленнем Дар'і Навумавай.
версія для друку
зрабіць стартавай
дабавіць у выбранае