Падзеі, факты, анонсы

Беларуская тэнісістка Хамуцянская выйграла турнір у Ташкенце

Дар'я Хамуцянская. Фота tennis.by

2 лістапада, Мінск /Кар. БЕЛТА/. Беларуская тэнісістка Дар'я Хамуцянская стала пераможцай турніру ITF у Ташкенце, паведамляе карэспандэнт БЕЛТА.

Сёння ў фінале спаборніцтва ў сталіцы Узбекістана беларуска адолела ў трохсэтавым паядынку расійскую тэнісістку Дар'ю Ягораву - 3:6, 6:2, 6:2. На шляху да вырашальнага матча Дар'я Хамуцянская перамагла індыйскую тэнісістку Ваідзехі Чаўдхары, літоўку Лайму Уладсан і дзвюх расіянак - Сафію Суславу і Кацярыну Тупіцыну. У гэтым сезоне 21-гадовая мінчанка выйграла ўжо пяць турніраў пад эгідай ITF.

У сённяшнім фінальным матчы мужчынскага турніру ў кітайскім Цяндааху беларус Мікалай Галяк уступіў Сяргею Фаміну з Узбекістана - 2:6, 1:6. Да гэтага беларускі тэнісіст абыграў кітайцаў Е Конг Мо і Фанмінг Мена, а таксама аўстралійца Акіру Санцілана і японца Тамахіра Масабаясі.-0-

версія для друку

зрабіць стартавай

дабавіць у выбранае