Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

9 Oct 2017

Беларуская спявачка Гюнеш названа лепшай вакалісткай на конкурсе MakFest у Македоніі

9 кастрычніка, Мінск /Кар. БЕЛТА/. Беларуская спявачка Гюнеш названа лепшай вакалісткай на міжнародным конкурсе MakFest у Македоніі, паведаміла карэспандэнту БЕЛТА прэс-сакратар выканаўцы Вольга Тунік.

Па рашэнні арганізатараў і дырэкцыі конкурсу перамога ў намінацыі "Лепшы вакал Макфэст-2017" была прысуджана Гюнеш. Гэта спецыяльная прэмія арганізатараў і дырэкцыі конкурсу, тры прызавыя месцы вызначалі македонскія гледачы sms-галасаваннем. Усяго ў 32-м міжнародным конкурсе ўдзельнічалі 30 выканаўцаў з Македоніі, Швецыі, Фінляндыі, Балгарыі, Беларусі, Азербайджана і іншых краін. Конкурс прайшоў у горадзе Шціп.

Песня на беларускай мове, якую выканала Гюнеш, называецца "Неба", напісаў яе кампазітар Фёдар Жыляк.

Паводле слоў артысткі, рэакцыя публікі была ўражальнай. "Мне здаецца, гледачы пранікліся ўсёй прыгажосцю і меладычнасцю беларускай мовы і змаглі зразумець сэнс песні, бо ў нашых моў ёсць некаторае падабенства", - адзначыла Гюнеш.

Удзел у MakFest для яе стала своеасаблівым вяртаннем на конкурсную сцэну пасля перапынку, звязанага з нараджэннем сына. Свой творчы шлях Гюнеш пачала менавіта з міжнародных вакальных конкурсаў, дзе неаднаразова займала першыя і прызавыя месцы. У 2013 годзе стала ўладальніцай другой прэміі міжнароднага песеннага конкурсу Turkvision.

Цяпер Гюнеш прадаўжае канцэртную дзейнасць, запісвае новыя песні.

Упершыню конкурс Makfest прайшоў у 1986 годзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі