Падзеі, факты, анонсы

Беларуская лёгкаатлетка Немагай выйграла марафон у Кітаі

Фота Мінспорту

25 лістапада, Мінск /Кар. БЕЛТА/. Беларуска Вольга Немагай стала пераможцай міжнароднага старту Quzhou Marathon у кітайскім Цюйчжоу, паведамілі БЕЛТА ў прэс-службе Беларускай федэрацыі лёгкай атлетыкі.

Немагай атрымала перамогу ў марафоне, які ўваходзіць у каляндар World Athletics Label Road Races. Наша спартсменка паказала рэзультат 2 гадзіны 41 мін 48 сек, апярэдзіўшы сярэбраную медалістку Лею Чэрута з Кеніі больш як на дзве з паловай хвіліны.

Для Вольгі Немагай гэты афіцыйны старт на марафонскай дыстанцыі 42,195 км стаў усяго другім у кар'еры, у такой дысцыпліне беларуска дэбютавала ў маі на Казанскім марафоне.

версія для друку

зрабіць стартавай

дабавіць у выбранае