Падзеі, факты, анонсы

Беларуска Зудзілава ўзяла бронзу чэмпіянату Еўропы па параплаванні

Фота Мінспорту

9 верасня, Мінск /Кар. БЕЛТА/. Настасся Зудзілава прынесла беларускай камандзе другі медаль чэмпіянату Еўропы па плаванні сярод атлетаў з абмежаванымі магчымасцямі, паведамілі БЕЛТА ў прэс-службе Мінспорту.

Кантынентальны форум прымае турэцкі Каджаэлі. У другі дзень спаборніцтваў Зудзілава стала прызёрам на стаметроўцы брасам у класе SB13 (сярод атлетаў з парушэннямі зроку). Беларуска паказала рэзультат 1 мін 18,16 сек і заняла трэцяе месца сярод 12 удзельніц. Раней бронзу турніру на сотні на спіне ў класе S12 заваяваў Яўген Кавалёнак.

Акрамя таго, наш Дзмітрый Салей (S12) паказаў чацвёрты рэзультат на дыстанцыі 100 м батэрфляем, Максім Вашкевіч у той жа дысцыпліне фінішаваў сёмым. Дзмітрый Ціханёнак (S9) стаў дзявятым на 200-метроўцы комплексам. Чэмпіянат Еўропы па параплаванні ў Турцыі прадоўжыцца да 12 верасня.

версія для друку

зрабіць стартавай

дабавіць у выбранае