Падзеі, факты, анонсы

Беларуска Ірына Шымановіч выйшла ў 2-і круг кваліфікацыі "Ралан Гарос"

Фота з архiва

24 мая, Мінск /Кар. БЕЛТА/. На парыжскіх кортах "Ралан Гарос" прадаўжаюцца кваліфікацыйныя паядынкі адкрытага чэмпіянату Францыі, паведамляе карэспандэнт БЕЛТА.

Сёння ў другім раўндзе жаночых спаборніцтваў беларуская тэнісістка Ірына Шымановіч (211-ы нумар сусветнага рэйтынгу) перамагла францужанку Марго Руўруа (278) на двух тай-брэйках - 7:6 (7:0), 7:6 (7:4). У першым крузе беларуска абыграла прадстаўніцу Кітайскага Тайбэя Джаану Гарланд - 6:4, 6:0, а ў паядынку за траплянне ў асноўную сетку яе саперніцай будзе японская тэнісістка Маі Хантама (189).

Яшчэ адна беларуска Хрысціна Дзмітрук (216) сёння сустрэнецца са швейцаркай Сімонай Вальтэр (127). На старце Дзмітрук упэўнена перайграла французскую тэнісістку Дафні Мпетшы Перыкар - 6:1, 6:3.

Беларуская тэнісістка Вольга Гаварцова прайграла ў першым раўндзе бразільянцы Лаўры Пігосі - 1:6, 3:6, а ў мужчынскім турніры Ягор Герасімаў уступіў французу Ларану Лакалі - 3:6, 5:7.

Каб прабіцца ў асноўную сетку, трэба пераадолець тры кваліфікацыйныя бар'еры. Без удзелу ў кваліфікацыі ў адкрытым чэмпіянаце Францыі выступяць Арына Сабаленка (2), Вікторыя Азаранка (18), Аляксандра Сасновіч (50) і Ілья Івашка (86). Асноўны этап другога ў сезоне турніру серыі "Вялікага шлема" пройдзе з 28 мая па 11 чэрвеня.

версія для друку

зрабіць стартавай

дабавіць у выбранае