Падзеі, факты, анонсы

Беларуска Алена Фурман выйграла золата ЧЕ па акадэмічным веславанні ў Італіі

12 красавіка, Мінск /Кар. БЕЛТА/. Беларуска Алена Фурман выйграла золата чэмпіянату Еўропы па акадэмічным веславанні ў Варэзе (Італія), паведамляе карэспандэнт БЕЛТА.

Дыстанцыю 2000 м беларуская спартсменка, якая выступала ў неалімпійскім класе жаночых адзіночак лёгкай вагі, пераадолела за 7 мін. 41,81 сек. Другое месца заняла румынка Джаніна-Алена Белеага, яна ўступіла мінчанцы 3,99 сек. Замкнула тройку мацнейшых Клэр Бавэ з Францыі. Яе падагульняючы час большы, чым у пераможцы, на 6,98 сек.

У фіналах А акрамя Алены Фурман выступала Таццяна Клімовіч, якая прадстаўляла Беларусь у гонках жаночых адзіночак. У рашаючым заездзе яна заняла чацвёртае месца, паказаўшы падагульняючы час 7 мін. 42,1 сек. Перамогу ў гэтым відзе праграмы святкавала Ганна Пракацень з Расіі  - 7 мін. 29,76 сек. Другое месца заняла брытанка Вікторыя Торнлі (7 мін. 36,17 сек), замкнула тройку лепшых швейцарка Жанін Гмейлін (7 мін. 37,1 сек.).

версія для друку

зрабіць стартавай

дабавіць у выбранае