Падзеі, факты, анонсы

Беларускі занялі ўвесь п'едэстал у мнагабор'і на турніры па мастацкай гімнастыцы ў Іспаніі

Дар'я Вярэніч. Фота з архiва

28 чэрвеня, Мінск /Кар. БЕЛТА/. Беларускія грацыі занялі ўвесь п'едэстал у мнагабор'і на міжнародным турніры Grand Premium у Іспаніі. Аб гэтым паведамілі БЕЛТА ў прэс-службе Беларускай асацыяцыі гімнастыкі.

Удзел у спаборніцтвах у мнагабор'і сярод сеніёрак прынялі 17 спартсменак з дзевяці краін. Перамогу з рэзультатам 108,400 бала па суме чатырох практыкаванняў атрымала наша Дар'я Вярэніч, серабро заваявала Настасся Салас (103,600), бронзавым прызёрам стала Аліна Рэчкіна (102,800). Акрамя таго, залаты медаль у гэтым жа відзе праграмы ў прэюніёрак выйграла беларуска Вера Канапацкая, якая набрала 92,250 бала.

Фіналы ў асобных практыкаваннях адбудуцца 28 чэрвеня.

версія для друку

зрабіць стартавай

дабавіць у выбранае