Падзеі, факты, анонсы

Беларускі паралімпіец Саўчук заваяваў серабро ЧС па лёгкай атлетыцы ў скачках у даўжыню

Фота з архiва

30 верасня, Мінск /Кар. БЕЛТА/. Беларус Ігар Саўчук стаў прызёрам чэмпіянату свету па лёгкай атлетыцы сярод спартсменаў з абмежаванымі магчымасцямі 2025 года, паведамляе карэспандэнт БЕЛТА.

У чацвёрты дзень планетарнага форуму ў Нью-Дэлі Саўчук спаборнічаў у скачках у даўжыню ў класе Т12 (для атлетаў з парушэннямі зроку). У заключнай шостай спробе беларус устанавіў асабісты рэкорд - 6,89 м. Гэты рэзультат прынёс Ігару серабро, далей скокнуў толькі Фернанда Васкес з Аргенціны (7,07 м).

Таксама ў аўторак наш Дзмітрый Барташэвіч заняў пятае месца на стаметроўцы (T44, пашкоджанне ніжняй канечнасці), а Юлія Няжура стала пятай у штурханні ядра (F54, парушэнне функцыі тулава ці ног). У вячэрняй праграме 30 верасня на чэмпіянаце свету ў сталіцы Індыі будуць разыграны 15 камплектаў узнагарод.

версія для друку

зрабіць стартавай

дабавіць у выбранае