Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

24 Feb 2015

Беларускі дуэт Uzari & Maimuna выступіць на "Канцэрце "Еўрабачанне" 18 красавіка ў Амстэрдаме

24 лютага, Мінск /Кар. БЕЛТА/. Беларускі дуэт Uzari & Maimuna, які прадставіць краіну на міжнародным конкурсе песні "Еўрабачанне-2015", выступіць на "Канцэрце "Еўрабачанне", што пройдзе 18 кастрычніка ў Амстэрдаме. Аб гэтым паведамляе БЕЛТА са спасылкай на афіцыйны сайт конкурсу.

На гэтай прома-падзеі, якая ўжо сёмы раз праходзіць напярэдадні песеннага конкурсу, Юзары і Маймуна прэзентуюць сваю песню "Time" ў абноўленай аранжыроўцы. Беларускім артыстам у Амстэрдаме давядзецца пазнаёміцца з прадстаўнікамі іншых краін на сёлетнім конкурсе "Еўрабачанне". Акрамя таго, гэта прома-мерапрыемства традыцыйна становіцца пляцоўкай для стасункаў не толькі з канкурэнтамі, але і з журналістамі з еўрапейскіх СМІ, якія асвятляюць ход падзей папулярнага шоу.

Як паведамлялася раней, беларускія гледачы змогуць пачуць абноўленую версію кампазіцыі "Time" 25 лютага ў час урачыстай цырымоніі ўзнагароджання пераможцаў адкрытага публічнага конкурсу "Трыумф. Героям спорту 2014" на сцэне Палаца спорту ў Мінску. Тэлегледачы атрымаюць такую магчымасць вечарам таго ж дня ў час трансляцыі тэлеверсіі шоу на "Беларусь 1" і "Беларусь 24".

Міжнародны конкурс песні "Еўрабачанне-2015" пройдзе ў Вене (Аўстрыя) з 19 па 23 мая. Прадстаўнікі Беларусі Uzari & Maimuna выступяць у другой частцы першага паўфіналу 19 мая.

Прамую трансляцыю двух паўфіналаў і фіналу традыцыйна будуць весці тэлеканалы Белтэлерадыёкампаніі - "Беларусь 1" і міжнародны спадарожнікавы тэлеканал "Беларусь 24".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі