У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

20 Крс 2016

Беларус Уладзіслаў Ганчароў выйграў турнір па скачках на батуце ў Рыа-дэ-Жанэйра

20 красавіка, Мінск /Кар. БЕЛТА/. Беларус Уладзіслаў Ганчароў выйграў тэставы турнір па скачках на батуце ў Рыа-дэ-Жанэйра, паведамляе карэспандэнт БЕЛТА.

У фінале сярэбраны прызёр чэмпіянату свету 2015 года паказаў лепшую суму балаў - 59,750. Новазеландзец Дылан Шміт стаў другім (58,550), замкнуў тройку прызёраў Дыега Ганчына з Партугаліі (58,085).

У спаборніцтвах сярод жанчын беларуска Таццяна Пятрэня заняла трэцяе месца - 53,540 бала. Пераможцай стала Лю Ліньлінь з Кітая - 55,485.

Турнір у Рыа-дэ-Жанэйра стаў для большасці атлетаў кваліфікацыйным для ўдзелу ў Алімпіядзе. Аднак беларускія батутысты былі вызвалены ад адборачных спаборніцтваў, і турнір у Рыа разглядаўся імі як важны этап падрыхтоўкі да галоўных стартаў чатырохгоддзя. Падапечныя галоўнага трэнера Ірыны Грабнёвай атрымалі пуцёўкі на летнія Гульні 2016 года па выніках сусветнага форуму-2015 у Даніі, дзе Уладзіслаў Ганчароў заняў другое месца, а Таццяна Пятрэня стала бронзавым прызёрам. Пятае месца заняла і другая беларуска - Ганна Гарчанок. На рахунку зборнай Беларусі тры ліцэнзіі: адна ў мужчын і максімальная колькасць, дзве, у жанчын.

Чарговымі стартамі для лідараў нацыянальнай каманды Беларусі стануць этапы Кубка свету па скачках на батуце ў чэрвені і ліпені бягучага года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску