Падзеі, факты, анонсы
Беларус Станіслаў Бажкоў выйграў горны этап і ўзначаліў агульны залік велагонкі ў Кітаі
18 ліпеня, Мінск /Кар. БЕЛТА/. Беларус Станіслаў Бажкоў з велагрупы "Мінск" выйграў трэці - горны - этап шматдзённай велагонкі Tour of Qinghai Lake 2017 у Кітаі, паведамляе карэспандэнт БЕЛТА.
Дыстанцыю працягласцю 133 км беларус пераадолеў за 3 гадз. 5 мін. 42 сек. Яму ўдаўся фінішны рывок. Другое месца заняў Джонатан Мансалвэ з Венесуэлы, італьянец Давід Мучэлі замкнуў тройку прызёраў.
Ранейшы лідар гонкі серб Душан Раявіч адстаў ад пераможцы этапу з велакаманды "Мінск" больш як на 15 мін і страціў першае месца ў генеральнай класіфікацыі, якую ўзначаліў Станіслаў Бажкоў. Ён усяго на 7 секунд апярэджвае бліжэйшага праследавацеля Джонатана Мансалвэ.
У горным заліку Tour of Qinghai Lake лідзіруе яшчэ адзін беларус Ілья Кашавой, які выступае за італьянскую каманду Wilier Triestina-Selle Italia.
Чацвёрты этап шматдзённай велагонкі ў Кітаі таксама будзе горным, удзельнікам трэба пераадолець вяршыні першай і другой катэгорый складанасці.
версія для друку
зрабіць стартавай
дабавіць у выбранае