Падзеі, факты, анонсы
Беларусь будзе пашыраць сетку Інстытутаў і класаў Канфуцыя на рэгіянальным узроўні
18 жніўня, Мінск /Кар. БЕЛТА/. Беларусь будзе пашыраць сетку Інстытутаў і класаў Канфуцыя на рэгіянальным узроўні. Аб гэтым заявіў сёння намеснік кіраўніка Адміністрацыі Прэзідэнта Беларусі Мікалай Снапкоў на пасяджэнні беларуска-кітайскага міжурадавага камітэта па супрацоўніцтве, перадае карэспандэнт БЕЛТА.
"Беларускі бок гатовы і будзе ў далейшым пашыраць сетку Інстытутаў і класаў Канфуцыя на рэгіянальным узроўні, набліжаючы веды пра Кітай у рэгіёны", - сказаў Мікалай Снапкоў.
Цяпер у Беларусі працуюць тры Інстытуты Канфуцыя і сем класаў Канфуцыя, а ў пекінскім універсітэце функцыянуе клас беларускай мовы.
Намеснік кіраўніка Адміністрацыі Прэзідэнта дадаў, што міністэрствы адукацыі дзвюх краін цесна падышлі да пытання стварэння Акадэміі Шаўковага шляху ў Беларусі як цэнтра ведаў аб Кітаі.
версія для друку
зрабіць стартавай
дабавіць у выбранае