Падзеі, факты, анонсы

9 жніўня, Мінск /Кар. БЕЛТА/. Беларусь акажа гуманітарную дапамогу Сірыйскай Арабскай Рэспубліцы. Гэта прадугледжана пастановай Савета Міністраў нумар 595 ад 8 жніўня, паведамілі БЕЛТА ў Нацыянальным цэнтры прававой інфармацыі.

У пералік матэрыяльных каштоўнасцей для аказання гуманітарнай дапамогі ўключаны тры самазвалы, дзіцячае харчаванне, адзенне і абутак для дзяцей агульным коштам Br533,4 тыс.

Пакрыццё кошту адпушчаных матэрыяльных каштоўнасцей, а таксама транспартных, камандзіровачных і іншых расходаў, звязаныя з дастаўкай гуманітарнай дапамогі, будзе ажыццёўлена са сродкаў, прадугледжаных у рэспубліканскім бюджэце на фінансаванне расходаў, звязаных са стыхійнымі бедствамі, аварыямі і катастрофамі.