У Беларусь без візы на 30 дзён
Афіцыйны сайт Рэспублікі Беларусь
II Еўрапейскія гульні ў Мінску
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

28 Май 2018

БДУ і Даляньскі політэхнічны ўніверсітэт плануюць адкрыць інстытут дыстанцыйнага навучання

28 мая, Мінск /Кар. БЕЛТА/. БДУ і Даляньскі політэхнічны ўніверсітэт плануюць адкрыць інстытут дыстанцыйнага навучання. Аб гэтым ішла размова на сустрэчы рэктара Белдзяржуніверсітэта Андрэя Караля з намеснікам старшыні КНР Ван Цішанем, паведамілі БЕЛТА ў прэс-службе ВНУ.

Рэктар БДУ ў час сустрэчы падзяліўся бліжэйшымі планамі па паглыбленні і пашырэнні беларуска-кітайскіх сувязей. "Стратэгічнай задачай з'яўляецца імкненне зрабіць БДУ ў маштабах Усходняй Еўропы пляцоўкай, правадніком па ўзаемадзеянні з кітайскімі ВНУ, - падкрэслілі ў прэс-службе. - Плануецца таксама адкрыць інстытут дыстанцыйнага навучання сумесна з Даляньскім політэхнічным універсітэтам". Акрамя таго, БДУ мае намер падпісаць з ім дадатковае фінансавае пагадненне. У ВНУ нагадалі, што БДУ і Даляньскі політэхнічны ўніверсітэт стварылі сумесны інстытут, які працуе ўжо год.

Ван Цішань падкрэсліў, што Беларусь - адна з дзяржаў, дзе надаецца вялікае значэнне развіццю адукацыйнай сістэмы. Ён адзначыў дальнабачнасць і правільнасць такой пазіцыі для сацыяльна-эканамічнага развіцця краіны ў цэлым.

Намеснік старшыні КНР у час наведвання БДУ азнаёміўся з яго фундаментальнай бібліятэкай - найстарэйшай і найбуйнейшай на тэрыторыі Беларусі. Яе віртуальны аналаг уваходзіць у сотню лепшых бібліятэк свету. Кітайскаму госцю расказалі аб асноўных этапах станаўлення бібліятэкі. Ван Цішань наведаў выстаўку кніг, прымеркаваную да 200-годдзя вялікага мысліцеля Карла Маркса, дзе былі прадстаўлены арыгінальныя выданні, якія датуюцца пачаткам ХХ стагоддзя.

Акрамя таго, высокі госць пабываў у музеі гісторыі, дзе азнаёміўся з летапісам першага беларускага ўніверсітэта, сусветнымі навуковымі адкрыццямі вучоных БДУ, удзелам прафесараў ВНУ ў стварэнні ААН. У Музеі землязнаўства яму прадставілі ўнікальныя калекцыі мінералаў, горных парод і палеанталагічных экспанатаў. Знаёмства з БДУ завяршылася экскурсіяй па галерэі ўніверсітэта, прысвечанай выдатным асветнікам Беларусі і сусветна вядомым мысліцелям, у шэрагу якіх вялікі кітайскі філосаф Канфуцый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс