Падзеі, факты, анонсы
Баскетбалісткі зборнай Беларусі выйшлі ў фінальную стадыю чэмпіянату Еўропы-2017
24 лістапада, Мінск /Кар. БЕЛТА/. Баскетбалісткі зборнай Беларусі атрымалі права выступіць у фінальнай стадыі чэмпіянату Еўропы-2017, заняўшы другое месца ў кваліфікацыйнай групе G, паведамляе карэспандэнт БЕЛТА.
Гэта стала вядома пасля матчаў заключнага тура адборачнага турніру, праведзеных напярэдадні ў дзевяці папярэдніх групах. У нашай групе зборная Бельгіі разграміла ў гасцях каманду Польшчы з лікам 77:61 і фінішавала першай. Падагульняючае становішча ў групе G: Бельгія - 7 ачкоў, Беларусь - 6, Польшча - 5.
Пропускі ў фінальную частку кантынентальнага першынства заваявалі пераможцы дзевяці кваліфікацыйных груп: Славенія, Францыя, Італія, Украіна, Венгрыя, Расія, Бельгія, Турцыя, Іспанія, а таксама 6 лепшых каманд з тых, якія занялі другія месцы: Беларусь, Латвія, Грэцыя, Сербія, Славакія, Чарнагорыя. Яны далучацца да зборнай Чэхіі, якая з 16 па 27 чэрвеня 2017 года будзе гаспадыняй 36-га па ліку жаночага Еўрабаскета. Жараб'ёўка групавога фінальнага турніру адбудзецца 9 снежня.
Беларускія баскетбалісткі дэбютавалі на чэмпіянаце Еўропы ў 2007 годзе ў Італіі і адразу ж заваявалі бронзавыя медалі. Яшчэ двойчы беларускі фінішавалі чацвёртымі (2009, 2015), па разе былі пятымі (2013) і дзявятымі (2011).
версія для друку
зрабіць стартавай
дабавіць у выбранае