У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

1 Лют 2016

Азаранка ўзнялася на 14-е месца ў рэйтынгу ВТА пасля Australian Open

1 лютага, Мінск /Кар. БЕЛТА/. Беларуская тэнісістка Вікторыя Азаранка пасля адкрытага чэмпіянату Аўстраліі ўзнялася на 14-е месца ў рэйтынгу Жаночай тэніснай асацыяцыі (ВТА), паведамляе карэспандэнт БЕЛТА.

Перад стартам турніру ў Мельбурне Вікторыя знаходзілася на 16-й пазіцыі, а дайшоўшы да чвэрцьфіналу, дабавіла ў свой актыў 190 балаў і цяпер мае 2935 ачкоў. Трыумфатар Australian Open-2016 немка Ангеліка Кербер, якая абыграла Азаранка на шляху да перамогі, узнялася з шостага на другое месца ў сусветным рэйтынгу. Амерыканка Серэна Уільямс, нягледзячы на паражэнне ў фінале ад Кербер, па-ранейшаму з вялікім адрывам узначальвае сусветны рэйтынг.

Топ-10 рэйтынгу ВТА:

1. Серэна Уільямс (ЗША) - 9245 ачкоў,

2. Ангеліка Кербер (Германія) - 5700,

3. Сімона Халеп (Румынія) - 5545,

4. Агнешка Радваньска (Польшча) - 5210,

5. Гарбін Мугуруза (Іспанія) - 4991,

6. Марыя Шарапава (Расія) - 3672,

7. Флавія Пенета (Італія) - 3611,

8. Карла Суарэс-Навара (Іспанія) - 3595,

9. Петра Квітава (Чэхія) - 3582,

10. Люсі Сафарава (Чэхія) - 3580.

У першую сотню сусветнага рэйтынгу ўваходзяць яшчэ дзве беларускія тэнісісткі - Вольга Гаварцова займае 74-е месца, набраўшы 815 ачкоў, у Аляксандры Сасновіч 678 балаў і 99-я пазіцыя. Пераможца юніёрскага Australian Open 17-гадовая мінчанка Вера Лапко займае 538-е месца, маючы 49 ачкоў. У наступны ўік-энд жаночая зборная Беларусі правядзе матч першага раунда Кубка Федэрацый у другой Сусветнай групе ў гасцях у каманды Канады. Сустрэча пройдзе 6-7 лютага ў Квебеку.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску