Падзеі, факты, анонсы
Амаль 400 журналістаў з 10 краін будуць працаваць на "Славянскім базары"
8 ліпеня, Мінск /Кар. БЕЛТА/. Амаль 400 прадстаўнікоў СМІ з 10 краін будуць працаваць на XXV Міжнародным фестывалі мастацтваў "Славянскі базар у Віцебску". Аб гэтым карэспандэнту БЕЛТА паведамілі ў Міністэрстве інфармацыі Беларусі.
Усяго 380 журналістаў акрэдытавана з Беларусі, Расіі, Украіны, Латвіі, Літвы, Эстоніі, Казахстана, Сербіі, Германіі, Ізраіля. Асноўная колькасць - прадстаўнікі медыя Беларусі. Другое месца па колькасці акрэдытаваных у Расіі, трэцяе - ва Украіны.
Асвятляць святочныя мерапрыемствы маштабнага юбілейнага форуму прыбудуць больш за 100 супрацоўнікаў замежных тэлевізійных каналаў, радыё, часопісаў, газет.
У мінулым годзе на фестывалі працавалі звыш 350 журналістаў з 14 краін.
Традыцыйна ў дзень урачыстага адкрыцця форуму мастацтваў у Віцебску пачынае працаваць міжнародны прэс-цэнтр. У фестывальныя дні ён працуе практычна кругласутачна, становіцца журналісцкім штабам.
XXV Міжнародны фестываль мастацтваў "Славянскі базар у Віцебску" пройдзе з 14 па 18 ліпеня (дадатковыя мерапрыемствы запланаваны на 12-13 і 19-20 ліпеня).
версія для друку
зрабіць стартавай
дабавіць у выбранае