Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

10 Oct 2016

Алёна Амялюсік заняла другое месца ў каманднай гонцы на ЧС па веласпорце на шасэ

10 кастрычніка, Мінск /Кар. БЕЛТА/. Алёна Амялюсік заняла другое месца ў каманднай гонцы з раздзельным стартам на чэмпіянаце свету па веласпорце на шасэ, які праходзіць у г.Доха, перадае карэспандэнт БЕЛТА.

У складзе прафесійнай каманды Canyon SRAM беларуска разам з брытанкай Аннай Барнс, прадстаўніцамі Германіі Трыксі Ворак, Лізай Брэнаўэр, Мікай Крэгер і Аленай К'ечыні з Італіі на дыстанцыі 40 км паказалі рэзультат 49 мін і 29 сек.

Першае месца занялі велагоншчыцы з каманды Boels-Doelmans (Нідэрланды) - 48 мін 41,62 сек. Бронзавым прызёрам чэмпіянату свету ў каманднай гонцы з раздзельным стартам стала велагрупа Cervelo-Bigla са Швейцарыі, якая адстала ад пераможніц на 1 мін 56,47 сек.

У аналагічных спаборніцтвах сярод мужчын брытанская каманда Sky беларускага гоншчыка Васіля Кірыенкі фінішавала чацвёртай. Першае месца занялі прадстаўнікі вядомай каманды Quick Step - 48 мін 32,39 сек. Васіль Кірыенка з'яўляецца дзеючым чэмпіёнам свету 2015 года ў індывідуальнай гонцы з раздзельным стартам. Свой тытул ураджэнец Рэчыцы пастараецца абараніць 12 кастрычніка.

Чэмпіянат свету па веласпорце на шасэ ў г.Доха прадоўжыцца сёння заездамі моладзі (23 гады) і юніёраў у індывідуальнай гонцы з раздзельным стартам. Завершыцца сусветны форум 16 кастрычніка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі