Зборная Беларусі на цырымоніі адкрыцця Алімпійскіх гульняў-2016

Па выніках урачыстай цырымоніі адкрыцця Алімпіяды-2016 беларуская зборная – у топ самых стыльных і прыкметных. Форму для беларускіх алімпійцаў распрацоўвала дызайнер Юлія Латушкіна. У калекцыі "Беларусь спартыўная. Сіла перамог" аб'ядналіся тры сімвалічныя колеры: белы – колер традыцыйнага нацыянальнага адзення, чырвоны – колер полымя алімпійскага агню і сонца як сімвала жыцця, і шэры – колер тканага лёну, які здаўна насілі беларусы. Яшчэ адна адметнасць – прыгожыя нацыянальныя арнаменты, якія шмат значаць у культуры беларусаў.