XIХ Міжнародная выстаўка "СМІ ў Беларусі: Слово на службе мира"

Міжнародны форум электронных і друкаваных СМІ, прысвечаны 70-годдзю Перамогі ў Вялікай Айчыннай вайне, сабраў у Мінску больш за 400 удзельнікаў з 12 краін свету: Беларусі, Расіі, Кітая, Венесуэлы, Кубы...

Свае дасягненні і найноўшыя праекты прадэманстравалі вядучыя "ігракі" айчыннай і замежнай медыяіндустрыі – інфармацыйныя агенцтвы і друкаваныя СМІ, тэлеканалы і радыёстанцыі, інтэрнэт-парталы, выдавецтвы і друкарні, а таксама аб'яднаныя медыяструктуры, інтэрнэт-правайдары і рэкламныя арганізацыі.

Адной са знакавых падзей гэтага форуму стала прэзентацыя партала "СМІ Беларусі", які дае магчымасць адным націсканнем кнопкі азнаёміцца з усімі перыядычнымі выданнямі краіны. У рамках выстаўкі прайшлі семінары, круглыя сталы, прэс-дыялогі і майстар-класы з удзелам вядомых журналістаў і экспертаў медыясферы з розных краін. Акрамя таго, адбылося ўзнагароджанне пераможцаў XІ Нацыянальнага конкурсу друкаваных СМІ "Залатая Літара" і першага рэспубліканскага творчага конкурсу "Фота Беларусі".