ХI Міжнародны маладзёжны тэатральны форум "М@rt.кантакт"

Вось ужо два гады на "М@rt.кантакце" няма прафесійнага журы: фестывальная ідэя заклікае паказаць лепшыя спектаклі і атрымаць асалоду ад творчых сустрэч. З Магілёва ўсе ўдзельнікі павезлі памятныя ўзнагароды і сімвалічныя тэатральныя маскі.

І ўсё ж свая інтрыга на форуме захоўваецца нават пры адсутнасці журы: 27 сакавіка вынікі падвялі крытыкі - маладзёжная лабараторыя пад кіраўніцтвам Андрэя Масквіна. Лепшым прызнаны спектакль "Тэатра Ды Капуа" з Санкт-Пецярбурга "Жыццё за цара", а прыз глядацкіх сімпатый заваяваў "Раскас" Маскоўскага драматычнага тэатра "Сфера".