"Міс Беларусь-2018"

Гісторыя нацыянальнага конкурсу "Міс Беларусь" пачалася 20 гадоў таму. З таго часу, раз у два гады, краіна выбірае сваю галоўную прыгажуню, якой давядзецца прадставіць родную Беларусь на грандыёзным па маштабах і відовішчнасці конкурсе "Міс сусвету".

Урэшце, арганізатары беларускага шоу зусім не ўступаюць замежным калегам у прафесіяналізме і крэатыўнасці: незвычайныя тэхналагічныя элементы і рэжысёрскія задумы ператварылі конкурс у сапраўды незабыўнае відовішча. Цікавасць гледачоў да таго, хто ж стане ўладальніцай галоўнага тытула, падагравалася яшчэ з моманту прадстаўлення 30 фіналістак шоу. Самыя прыгожыя, абаяльныя і яркія дзяўчаты Беларусі – з ліку 700 прэтэндэнтак на карону – атрымалі магчымасць заявіць аб сабе на ўсю краіну.

Мноства рэпетыцый, трэніровак, прымерак, фотасесій – велізарная работа была праведзена перш, чым фіналісткі з'явіліся на сцэне Палаца спорту 4 мая. Удзельніцам "Міс Беларусь-2018" неабходна было пакарыць 4 галоўныя стыхіі: агонь, паветра, зямлю і ваду – з чым эфектна справіліся ўсе 30 дзяўчат. Акрамя таго, арганізатары шоу прысвяцілі цэлы блок маючай адбыцца маштабнай спартыўнай падзеі ў жыцці краіны – II Еўрапейскім гульням. Не пакінулі без увагі і тэму малой радзімы, якой прысвечаны 2018 год у Беларусі.

Падтрымаць удзельніц шоу асабіста прыехаў Прэзідэнт Аляксандр Лукашэнка, а таксама шмат іншых вядомых персон краіны. Парады канкурсанткам давалі і ўдзельніцы папярэдніх фіналаў "Міс Беларусь", а з залы назіралі за шоу не менш тытулаваныя (у сваёй сферы!) прыгажуні – алімпійскія чэмпіёнкі Дар'я Домрачава, Надзея Скардзіна, Ірына Крыўко і Дзінара Алімбекава. Гасцямі шоу сталі зоркі эстрады – сямейны і творчы дуэт Наталля Падольская і Уладзімір Праснякоў.

Кульмінацыяй шоу стала, безумоўна, аб'яўленне імені ўладальніцы тытула "Міс Беларусь-2018". Сімвал конкурсу – карона з белага золата – увянчала галаву 20-гадовай Марыі Васілевіч з Мінска. Акрамя прадстаўлення краіны на міжнароднай арэне ў конкурсе "Міс сусвету", дзяўчыне давядзецца ўдзельнічаць у розных культурных, дабрачынных акцыях у Беларусі і за яе межамі.

Ганаровых тытулаў былі ўдастоены і іншыя ўдзельніцы. Так, "Першай віцэ-міс Беларусь-2018" стала Маргарыта Мартынава, "Другой віцэ-міс Беларусь-2018" – Анастасія Лаўрынчук. Тытул "Міс глядацкіх сімпатый" атрымала Марыя Первій. "Міс дружба" – Ксенія Вясельская, "Міс топ-мадэль" – Дзіяна Астапчык, "Міс фота" – Караліна Барысевіч, "Міс Oriflame" – Аліна Магер.

Незабыўны фінал шоу "Міс Беларусь-2018" – у спецыяльным фотарэпартажы!