Навагодні футбольны матч Дзядоў Марозаў у Гомелі

У першы дзень новага года ў Гомелі адбыўся футбольны матч на снезе паміж камандамі Дзядоў Марозаў "Чырвоны Нос" і "Сіні Нос". Ініцыятарамі і галоўнымі героямі паядынку сталі настаўнікі і старшакласнікі мясцовых школ, якія надзелі кажухі, бароды і кеды адпаведных колераў. Святочнае мерапрыемства было прысвечана 105-годдзю футбола ў Беларусі: першы ў краіне міжнародны матч адбыўся ў 1910 (1911) годзе ў Гомелі.