Яшчэ будучы студэнтам – у канцы 1960-х – Сяргей Сергачоў пачаў збіраць вельмі каштоўныя матэрыялы: фота, гістарычныя апісанні і планы, архіўныя звесткі – прысвечаныя гісторыі беларускага дойлідства. Даследаванні даўжынёй у жыццё ўвасобіліся ў кнігу, дзе аўтар не толькі расказаў шмат бясцэннага і цікавага, але паказаў "унікальную архітэктуру душы нашага вялікага беларускага народа, які заўсёды імкнуўся да лепшага, умела спалучаючы традыцыі, вопыт і перадавыя веды".