Ружа "Марк Шагал" заквітнела ў Віцебску да дня нараджэння мастака

Свята ў дворыку Дома-музея Марка Шагала, прысвечанае 129-годдзю з дня нараджэння мастака, упрыгожылі ружы, што маюць яго імя. Незвычайны падарунак зрабіла жыхарка горада, якая вясной высадзіла тры кусты каля роднага дома мастака на Пакроўскай вуліцы.

Новы сорт ружы "Марк Шагал" групы фларыбунда быў прадстаўлены публіцы ў 2013 годзе таксама да дня нараджэння мастака ў Сен-Поль-дэ-Вансе (Францыя). У продажы ён з'явіўся вясной 2014 года, і ўжо гэтым летам пахучыя прыгажуні зацвілі на радзіме Шагала.