Праект "Жыццё ў прафесіі": балет "Спартак" да юбілею народнага артыста Беларусі Антона Краўчанкі ў Вялікім тэатры Беларусі

Другі сезон творчага праекта галоўнага балетмайстра Вялікага тэатра Беларусі Ігара Колба "Жыццё ў прафесіі" завяршыўся 24 кастрычніка паказам балета "Спартак". Дзеля асаблівага спектакля і ў гонар свайго юбілею на сцэну выканаць цэнтральную партыю вярнуўся народны артыст Беларусі Антон Краўчанка. Цяпер ён загадчык балетнай трупы тэатра. Да Антона Краўчанкі далучыліся народная артыстка Беларусі Ірына Яромкіна і заслужаны артыст краіны Юрый Кавалёў.