Памятны знак у гонар энергетыкаў – ліквідатараў аварыі на ЧАЭС адкрылі ў Хойніках

Памятны знак энергетыкам Савецказа Саюза, якія прымалі ўдзел у ліквідацыі наступстваў аварыі на Чарнобыльскай АЭС, адкрылі 25 красавіка ў Хойніках. Знак размешчаны ў гарадскім скверы. У 2016 годзе тут з нагоды 30-й гадавіны аварыі на ЧАЭС быў устаноўлены мемарыяльны гранітны камень. У новай скульптурнай кампазіцыі ў бронзе паўсталі вобразы трох энергетыкаў у рабоце. Аўтар памятнага знака – беларускі скульптар Валерый Кандраценка.