Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Фота | Канцэрну "Беллегпрам" – 25 гадоў: лічбы, факты і модныя навінкі беларускіх брэндаў

Паказам новых калекцый беларускіх дызайнераў і выставай вядучых брэндаў адзначыў 25-годдзе "Беллегпрам"

Паказам новых калекцый беларускіх дызайнераў і выставай вядучых брэндаў адзначыў 25-годдзе
10 Лют 2017

У юбілейны дзень 10 лютага адзін з буйнейшых канцэрнаў краіны – "Беллегпрам" – сабраў гасцей у Нацыянальнай школе прыгажосці. Традыцыйны савет, дзе, зразумела, падвялі бізнес-вынікі і вызначылі далейшыя планы, прадоўжылі дзве эфектныя падзеі – "шоу-рум" вядучых беларускіх брэндаў і вялікі модны паказ новых калекцый сезона вясна-лета 2017 і восень-зіма 2017/2018.

Сёння "Беллегпрам" аб'ядноўвае каля сотні прадпрыемстваў лёгкай прамысловасці, сярод якіх вядомыя брэнды: "Мілавіца", "Элема", "Камінтэрн", "Свiтанак", "Купалінка", "Эліз", "Калінка", "Белвест", "Марко", "Магатэкс"… І менавіта яны шмат у чым фарміруюць той папулярны спіс тавараў "Зроблена ў Беларусі" (трыкатаж і лён, адзенне з натуральных тканін, абутак і галантарэя, хатні тэкстыль і дываны), які заваяваў пакупнікоў і на радзіме, і за мяжой. Амаль 60% прадукцыі "Беллегпрама" пастаўляецца на экспарт: беларускія тавары запатрабаваны ў 62 краінах свету, сярод якіх дзяржавы СНД (85% аб'ёму), Японія, Швецыя, Фінляндыя, Канада…

Да юбілейнай даты падлічылі і знакавыя лічбы, якія агучыў старшыня канцэрна Мікалай Яфімчык. За мінулыя 25 гадоў "Беллегпрамам" было выпушчана 3,9 трыльёна квадратных метраў тканін усіх відаў: іх агульная даўжыня ў 5 разоў перасягнула адлегласць паміж Зямлёй і Месяцам і дазволіла б 50 разоў (!) абкруціць экватар планеты. Беларускія фабрыкі вырабілі 242 млн квадратных метраў дываноў і дывановых вырабаў, якімі можна заслаць усю Беларусь і яшчэ 20% застанецца… І вядома, лік прадметаў гардэробу велізарны. Дзелавое, штодзённае і раскошнае, маладзёжнае і дзіцячае, спартыўнае, у нацыянальным стылі – сёння прадпрыемствы канцэрна ствараюць адзенне і абутак на любы густ і ўзрост.  

Модны паказ вядучых брэндаў – у рэпартажы з Нацыянальнай школы прыгажосці…

 Фота: Аксана Манчук

Выстаўка адзення і абутку прадпрыемстваў "Беллегпрама"
Выстаўка адзення і абутку прадпрыемстваў "Беллегпрама"
Выстаўка адзення і абутку прадпрыемстваў "Беллегпрама"
Выстаўка адзення і абутку прадпрыемстваў "Беллегпрама"
Выстаўка адзення і абутку прадпрыемстваў "Беллегпрама"
1 2 3 4 5  [6..6]      Наступная