Міжнародны кубак па паветраплавальным спорце ў Беларусі

Нягледзячы на складаныя ўмовы надвор'я – моцны вецер перашкодзіў зрабіць першы вячэрні палёт – прафесіяналы прадэманстравалі майстэрства ў спартыўнай і паказальнай праграме, а таксама ўстанавілі сусветны рэкорд, дастойны ўключэння ў Кнігу Гінеса. У другі дзень спаборніцтваў з пляцоўкі аэрапорта Мінск-1 у ранішняе неба адначасова падняліся 54 паветраныя шары і праляцелі каля 22 км на паўднёвы ўсход ад горада, такім чынам, зрабіўшы самы масавы палёт над сталіцай дзяржавы ў свеце.