Мастацкая галерэя Міхаіла Савіцкага

Старадаўні будынак XVIII стагоддзя на плошчы Свабоды, 15 яшчэ пры жыцці выбраў для галерэі сам Міхаіл Савіцкі. З яго згоды ён рэканструяваўся і дабудоўваўся як музей, што сумяшчае і мастацкую галерэю, і экспазіцыю, звязаную з гісторыяй гэтага дома.

Сёння ў галерэі дэманструюцца адноўленыя інтэр’еры майстэрні і рабочага кабінета Міхаіла Савіцкага, рарытэты, звязаныя з яго біяграфіяй: асабістыя рэчы, узнагароды, дакументы, фатаграфіі, пісьмы, кнігі з аўтографамі… І вядома, тут размяшчаецца экспазіцыя, прысвечаная творчасці Міхаіла Савіцкага.
 
У галерэі пастаянна праходзяць мастацкія выставы іншых майстроў і ўнікальныя культурныя мерапрыемствы.