Гала-канцэрт адкрыцця "Славянскага базару ў Віцебску"

Кампазітар Аляксандра Пахмутава перадала відэапрывітанне ўдзельнікам фестывалю і адзначыла, што вельмі любіць Беларусь. На сцэне прагучала песня "Белавежская пушча", да якой яна напісала музыку. Гэты хіт ведаюць на розных кантынентах і спяваюць прадстаўнікі многіх краін. Віншаванні ў адрас фестывалю таксама прыслалі генеральны сакратар СНД Сяргей Лебедзеў, міністры культуры Казахстана, Кубы, Каралеўства Камбоджа. Цёплыя словы прыляцелі з Манголіі, М'янмы, Узбекістана, Сербіі і Малдовы.