Прэзідэнт Аляксандр Лукашэнка прыняў удзел у афіцыйнай цырымоніі адкрыцця новага завода "БелДжы"

Адкрываючы новы завод, Прэзідэнт Аляксандр Лукашэнка шчыра падзякаваў Старшыні КНР Сі Цзіньпіну за падтрымку ў рэалізацыі сумеснага праекта.

У размове з работнікамі кіраўнік дзяржавы не ўтойваў: беларускі аўтамабіль ужо даўно быў яго марай. І цяпер, калі прадпрыемства пачынае серыйны выпуск, Прэзідэнт даў свае рэкамендацыі, назваўшы галоўныя складнікі таго, каб праект стаў сапраўды паспяховым. Гэта бездакорная якасць (Аляксандр Лукашэнка нават прапанаваў павялічыць тэрмін гарантыі аўто з 4 да 5 гадоў), сэрвіс (фірменная сетка павінна быць разгалінаванай) і папулярызацыя з выгаднымі перавагамі для пакупнікоў.