Цырымонія ўшаноўвання галоўнага трэнера зборнай Ірыны Ляпарскай у НАК Беларусі

У дзень адкрыцця мінскага этапа Кубка свету па мастацкай гімнастыцы – 4 жніўня – у штаб-кватэры НАК Беларусі адбылося ўшаноўванне заслужанага трэнера Беларусі, галоўнага трэнера нацыянальнай каманды Беларусі па мастацкай гімнастыцы Ірыны Ляпарскай. Кіраўніку нацыянальнай каманды ўручаны медаль Нацыянальнага алімпійскага камітэта "За выдатныя заслугі" ў адпаведнасці з Палажэннем аб узнагародах НАК Беларусі за высокія дасягненні ў падрыхтоўцы спартсменаў нацыянальных каманд да Алімпійскіх гульняў, чэмпіянатаў свету і Еўропы.

У цырымоніі прынялі ўдзел прэзідэнт Міжнароднай федэрацыі гімнастыкі Марынары Ватанабэ і віцэ-прэзідэнт арганізацыі, намеснік старшыні Беларускай асацыяцыі гімнастыкі Нэлі Кім.