Друкарскі двор

Упершыню ў гісторыі свята разгарнула работу пляцоўка "Друкарскі двор" з кніжнай прадукцыяй і дэманстрацыяй працэсу кнігадрукавання. У вялікім павільёне 100х100 кв.м прадстаўлены адразу некалькі тэматычных зон. У самым цэнтры прэзентуюць кнігі, прысвечаныя 500-годдзю беларускага кнігадрукавання, Году культуры, а таксама юбілеям вядомых пісьменнікаў, дзеячаў культуры, пераможцам нацыянальнага конкурсу "Мастацтва кнігі". Непадалёку гасцей вучаць, як у былыя часы выраблялі і сушылі паперу. У друкарскай зоне на адноўленым па старадаўніх гравюрах і чарцяжах дзеючым друкарскім станку ХVI стагоддзя кожны жадаючы можа пры дапамозе адлітай друкаванай формы аднавіць старонку з Бібліі Францыска Скарыны.